Sunday, February 28, 2021
Home MOVIES ചലച്ചിത്ര മേളയിൽ ഓളമുയർത്താൻ നാടൻപാട്ട് സംഘം

ചലച്ചിത്ര മേളയിൽ ഓളമുയർത്താൻ നാടൻപാട്ട് സംഘം

കോവിഡ് മഹാമാരി മൂലം സ്റ്റേജ് പരിപാടികളും കൂട്ടായ്മകളും നിലച്ചിട്ട് മാസങ്ങളായി. കാഴ്ചയുടെ ഉത്സവമായി മാറിയ കൊച്ചി അന്താരാഷ്ട്ര ചലച്ചിത്ര മേളയുടെ വിസ്മയിപ്പിക്കുന്ന വേദിയിൽ ആഘോഷത്തിൻ്റെ ഓളം തീർക്കുകയാണ് കുമ്പളം ശക്തി നാടൻപാട്ട് സംഘം. പാണ്ഡ വാസ് കൊച്ചിയിലെ ഗായകരും ഇവരോടൊപ്പം ചേർന്നു. ചലച്ചിത്ര മേളയുടെ മുഖ്യ വേദിയായ സരിത കോംപ്ലക്സിലാണ് നാടൻപാട്ട് കലാകാരന്മാർ അണിനിരന്നത്. സിനിമ കണ്ടിറങ്ങിയ പ്രേക്ഷകർക്ക് നാടൻ പാട്ട് ആവേശമായി. തനിനാടൻ ശീലുകളുടെ താളത്തിനൊത്ത് അവർ ചുവടുകൾ വെച്ചു. സിനിമകളും സിനിമാ ചർച്ചകളും തനത് ഗ്രാമീണ ശീലുകളും ഇഴചേർന്ന സമ്പന്നമായ കലാസന്ധ്യ ചലച്ചിത്രമേളയ്ക്ക് മിഴിവ് കൂട്ടി. രജീഷ്, വിനീത്, അമൽ, ആഷിഷ്, മഹേഷ്, രാഗേഷ്, ഫമീർ, അഷയ്, ആദിത്യൻ തുടങ്ങിയവരാണ് ഗായക സംഘത്തിലുള്ളത്. മഹാരാജാസ് കോളേജിലെ പൂർവ്വ വിദ്യാർഥികളാണിവർ. കോവിഡ് കാലത്ത് നിലച്ചുപോയ കൂട്ടായ്മകളുടെ ഊഷ്മളതയിലേക്ക് നിയന്ത്രണങ്ങളോടെയെങ്കിലും തിരിച്ചെത്താനായതിൻ്റെ സന്തോഷത്തിലാണിവർ. കൊച്ചിയിൽ ഫെസ്റ്റിവൽ സംഘടിപ്പിച്ച് ഇത്തരമൊരു അവസരമൊരുക്കിയ സംഘാടകരോടുള്ള സ്നേഹം നിറയുന്നു ഇവരുടെ വാക്കുകളിൽ.

LEAVE A REPLY

Please enter your comment!
Please enter your name here

- Advertisment -

Most Popular

ഇന്ധനവില കുത്തനെ ഉയരുന്നു

തിരുവനന്തപുരം/ കൊച്ചി: രാജ്യത്ത് ഇന്ധനവില വീണ്ടും ഉയര്‍ന്നു. സര്‍വകാല റെക്കോഡും കടന്ന് ഇന്ധന വില കുതിക്കുകയാണ്. പെട്രോളിന് ലിറ്ററിന് 28 പൈസയും ഡീസലിന് 25 പൈസയുമാണ് ഇന്ന് കൂടിയത്. ഒമ്ബത് മാസം...

നിയമസഭാ തിരഞ്ഞെടുപ്പ്: ബൂത്തുകളിൽ അടിസ്ഥാന സൗകര്യങ്ങൾ ഉറപ്പു വരുത്തും: കളക്ടർ

കാക്കനാട്: നിയമസഭാ തിരഞ്ഞെടുപ്പിനു മുന്നോടിയായി ജില്ലയിലെ മുഴുവൻ പോളിംഗ് ബൂത്തുകളിലും അടിസ്ഥാന സൗകര്യങ്ങൾ ഉറപ്പുവരുത്തുമെന്ന് ജില്ലാ തിരഞ്ഞെടുപ്പ് ഓഫീസർ കൂടിയായ കളക്ടർ എസ്.സുഹാസ് അറിയിച്ചു. തിരഞ്ഞെടുപ്പ് മുന്നൊരുക്കങ്ങൾ ചർച്ച ചെയ്യുന്നതിനായി...

മാതൃഭാഷയിൽ നൈപുണ്യശേഷി വികസന കോഴ്സുകളുമായി യുവസംരംഭകർ

കൊച്ചി: കോവിഡ്കാലത്തെ ഫലപ്രദമായി ഉപയോഗിച്ച് തന്റെ ആശയത്തെ വിജകരമായ സംരംഭമാക്കി മാറ്റിയിരിക്കുകയാണ് ജോസഫ് ഇ.ജോർജ് എന്ന 23കാരന്‍. കോവിഡ് വന്നതോടെ ക്ലാസ്മുറികളില്‍ നേരിട്ടെത്തിയുള്ള വിദ്യാര്‍ത്ഥികളുടെ പഠനം മുടങ്ങുകയും പകരമെന്തെന്ന ചിന്തയ്ക്ക്...

അമച്ച്വര്‍ മൂവി മേക്കേഴ്‌സ് അസോസിയേഷന്‍ ഷോർട്ട് ഫിലിം ഷോ സംഘടിപ്പിച്ചു

മൂവാറ്റുപുഴ - അമച്ച്വര്‍ മൂവി മേക്കേഴ്‌സ് അസോസിയേഷന്‍ സംഘടിപ്പിച്ച 3-ാം വാര്‍ഷിക ജനറല്‍ ബോഡി യോഗത്തോടനുബന്ധിച്ച് നടത്തിയ ഷോര്‍ട്ട് ഫിലിം ഷോ മൂവാറ്റുപുഴ ലതാ തീയേറ്ററില്‍ വച്ചു നടന്നു. അതില്‍...

Recent Comments