Sunday, February 28, 2021
Home MOVIES ചലച്ചിത്ര മേള- ആറു മത്സര ചിത്രങ്ങൾ ,ചുരുളിയുടെ രണ്ടാം പ്രദർശനവും ശനിയാഴ്ച

ചലച്ചിത്ര മേള- ആറു മത്സര ചിത്രങ്ങൾ ,ചുരുളിയുടെ രണ്ടാം പ്രദർശനവും ശനിയാഴ്ച

കൊച്ചി:രാജ്യാന്തര ചലച്ചിത്രമേളയുടെ നാലാം ദിവസം ആറു മത്സര ചിത്രങ്ങൾ അടക്കം 24 ചിത്രങ്ങൾ പ്രദർശിപ്പിക്കും. വിയറ്റ്നാം ചിതമായ റോം, അസർബൈജാൻ ചിത്രം ഇൻ ബിറ്റ് വീൻ ഡൈയിങ്, അലഹാഡ്രോ റ്റെലമാക്കോ സംവിധാനം ചെയ്‌ത ലോൺലി റോക്ക്, മറാത്തി ചിത്രം സ്ഥൽ പുരാൺ, മോഹിത് പ്രിയദർശിയുടെ കോസ എന്നീ ചിത്രങ്ങളാണ് മത്സര വിഭാഗത്തിൽ പ്രദർശിപ്പിക്കുന്നത്. മലയാളത്തിലെ മത്സരചിത്രമായ ചുരുളിയുടെ രണ്ടാമത്തെ പ്രദർശനവും ശനിയാഴ്ച ഉണ്ടായിരിക്കും .വൈകിട്ട് അഞ്ചിന് പദ്മ സ്ക്രീൻ 1 ലാണ് ലിജോജോസ് പെല്ലിശ്ശേരി സംവിധാനം ചെയ്ത ഈ ചിത്രം പ്രദർശിപ്പിക്കുക. ആദ്യ ദിനത്തിൽ ഈ ചിത്രത്തിന് മികച്ച പ്രതികരണമാണ് ലഭിച്ചത് .
ലോക സിനിമാ വിഭാഗത്തിൽ ദി വേസ്റ്റ് ലാൻഡ്, അനദെർ റൗണ്ട് , 9.75, ക്വോ വാഡിസ്, ഐഡ ? തുടങ്ങിയ 10  ചിത്രങ്ങളും ഇന്ത്യൻ സിനിമാ വിഭാഗത്തിൽ അരുൺ കാർത്തിക്ക് സംവിധാനം ചെയ്ത നാസിറും പ്രദർശിപ്പിക്കും. ലീ ചാങ് ഡോങ് ചിത്രം ബേർണിങ്ങും മേളയുടെ  നാലാം ദിവസം പ്രദർശിപ്പിക്കും.
ചോലയ്ക് ശേഷം സനൽ കുമാർ ശശിധരൻ സംവിധാനം ചെയ്‌ത കയറ്റം, കെ പി കുമാരൻ്റെ ഗ്രാമവൃക്ഷത്തിലെ കുയിൽ, ആൻഡ്രോയിഡ് കുഞ്ഞപ്പൻ എന്നീ  മലയാളചിത്രങ്ങളും പ്രദർശനത്തിലുണ്ട്. ഹോമേജ് വിഭാഗത്തിൽ രണ്ട് ചിത്രങ്ങളാണ് പ്രദർശനത്തിനെത്തുന്നത് . മലയാള സംവിധായകനും തിരക്കഥാകൃത്തുമായ സച്ചി, അഭിനേതാവ് അനിൽ നേടുമെങ്ങാട് എന്നിവരോടുള്ള ആദരമായി അയ്യപ്പനും കോശിയും , സംവിധായകനും എഴുത്തുകാരനുമായ സൗമിത്ര ചാറ്റർജിയ്ക് ആദരമായി ചാരുലതയും  പ്രദർശിപ്പിക്കും. സത്യജിത് റേ സംവിധാനം ചെയ്ത ഈ ചിത്രം സംഗീത തിയേറ്ററിൽ രാവിലെ  9.15 നാണ് പ്രദർശിപ്പിക്കുന്നത്. കലൈഡോസ്കോപ്പ് വിഭാഗത്തിൽ വാസന്തി എന്ന മലയാള ചിത്രമാണ് പ്രദർശിപ്പിക്കുക.

LEAVE A REPLY

Please enter your comment!
Please enter your name here

- Advertisment -

Most Popular

ഇന്ധനവില കുത്തനെ ഉയരുന്നു

തിരുവനന്തപുരം/ കൊച്ചി: രാജ്യത്ത് ഇന്ധനവില വീണ്ടും ഉയര്‍ന്നു. സര്‍വകാല റെക്കോഡും കടന്ന് ഇന്ധന വില കുതിക്കുകയാണ്. പെട്രോളിന് ലിറ്ററിന് 28 പൈസയും ഡീസലിന് 25 പൈസയുമാണ് ഇന്ന് കൂടിയത്. ഒമ്ബത് മാസം...

നിയമസഭാ തിരഞ്ഞെടുപ്പ്: ബൂത്തുകളിൽ അടിസ്ഥാന സൗകര്യങ്ങൾ ഉറപ്പു വരുത്തും: കളക്ടർ

കാക്കനാട്: നിയമസഭാ തിരഞ്ഞെടുപ്പിനു മുന്നോടിയായി ജില്ലയിലെ മുഴുവൻ പോളിംഗ് ബൂത്തുകളിലും അടിസ്ഥാന സൗകര്യങ്ങൾ ഉറപ്പുവരുത്തുമെന്ന് ജില്ലാ തിരഞ്ഞെടുപ്പ് ഓഫീസർ കൂടിയായ കളക്ടർ എസ്.സുഹാസ് അറിയിച്ചു. തിരഞ്ഞെടുപ്പ് മുന്നൊരുക്കങ്ങൾ ചർച്ച ചെയ്യുന്നതിനായി...

മാതൃഭാഷയിൽ നൈപുണ്യശേഷി വികസന കോഴ്സുകളുമായി യുവസംരംഭകർ

കൊച്ചി: കോവിഡ്കാലത്തെ ഫലപ്രദമായി ഉപയോഗിച്ച് തന്റെ ആശയത്തെ വിജകരമായ സംരംഭമാക്കി മാറ്റിയിരിക്കുകയാണ് ജോസഫ് ഇ.ജോർജ് എന്ന 23കാരന്‍. കോവിഡ് വന്നതോടെ ക്ലാസ്മുറികളില്‍ നേരിട്ടെത്തിയുള്ള വിദ്യാര്‍ത്ഥികളുടെ പഠനം മുടങ്ങുകയും പകരമെന്തെന്ന ചിന്തയ്ക്ക്...

അമച്ച്വര്‍ മൂവി മേക്കേഴ്‌സ് അസോസിയേഷന്‍ ഷോർട്ട് ഫിലിം ഷോ സംഘടിപ്പിച്ചു

മൂവാറ്റുപുഴ - അമച്ച്വര്‍ മൂവി മേക്കേഴ്‌സ് അസോസിയേഷന്‍ സംഘടിപ്പിച്ച 3-ാം വാര്‍ഷിക ജനറല്‍ ബോഡി യോഗത്തോടനുബന്ധിച്ച് നടത്തിയ ഷോര്‍ട്ട് ഫിലിം ഷോ മൂവാറ്റുപുഴ ലതാ തീയേറ്ററില്‍ വച്ചു നടന്നു. അതില്‍...

Recent Comments