Saturday, January 23, 2021
Home HEALTH വൃക്കരോഗികൾക്ക് ആശ്രയമായി തോളൂർ സാമൂഹികാരോഗ്യ കേന്ദ്രം

വൃക്കരോഗികൾക്ക് ആശ്രയമായി തോളൂർ സാമൂഹികാരോഗ്യ കേന്ദ്രം

നിർധനർക്ക് സൗജന്യമായി  ഡയാലിസിസ് ചെയ്യാം

സാധാരണക്കാർ ഏറ്റവും ഭയക്കുന്ന അസുഖങ്ങളിൽ മുൻപിലുണ്ടാകും കിഡ്നി സംബന്ധമായ രോഗങ്ങൾ. വലിയ ചികിത്സ ചിലവ് തന്നെയാണ് ഇതിന്റെ മുഖ്യ കാരണം. അത് തന്നെയാണ് തോളൂർ സാമൂഹികാരോഗ്യ കേന്ദ്രത്തിൽ പ്രവർത്തനം ആരംഭിച്ച സൗജന്യ ഡയാലിസിസ് യൂണിറ്റിന്റെ പ്രസക്തിയും. നിർധനരായ കിഡ്നി രോഗികളെ സഹായിക്കുന്നതിന്റെ ഭാഗമായി തോളൂർ സാമൂഹികാരോഗ്യ കേന്ദ്രത്തിൽ സജ്ജമാക്കിയിട്ടുള്ള ഡയാലിസിസ് സെന്ററിന്റെ  ഉദ്ഘാടനം ആരോഗ്യ മന്ത്രി ശൈലജ ടീച്ചറാണ് നിർവ്വഹിച്ചത്. 2020 ഒക്ടോബർ 15 നായിരുന്നു ഉദ്ഘാടനം.

രോഗികൾക്ക് ആശ്വാസം

തോളൂർ കമ്മ്യൂണിറ്റി സെന്ററിന് സമീപമാണ് ഡയാലിസിസ് യൂണിറ്റ് കെട്ടിടം സ്ഥിതിചെയ്യുന്നത്.പുഴയ്ക്കൽ ബ്ലോക്കിന്റ നേതൃത്വത്തിലാണ് തോളൂർ സാമൂഹികാരോഗ്യ കേന്ദ്രത്തിൽ ഡയാലിസിസ് യൂണിറ്റ് സ്ഥാപിച്ചത്.

5 മെഷീനുകളാണ് ഡയാലിസിസ് യൂണിറ്റിന്റെ ഭാഗമായി സ്ഥാപിച്ചിട്ടുള്ളത്.

അതിൽ 4 മെഷീനുകളിലും ഇപ്പോൾ ഡയാലിസിസ് ചെയ്യുന്നുണ്ട്. പുഴയ്ക്കൽ ബ്ലോക്ക് പരിധിയിൽ വരുന്ന കിഡ്നി  രോഗികൾക്കാണ് ഇതിന്റ പ്രയോജനം ലഭിക്കുക. 80 ഓളം ഡയാലിസിസ് രോഗികൾ  ബ്ലോക്കിൽ രജിസ്റ്റർ ചെയ്തിട്ടുണ്ട്.

മുളങ്കുന്നത്ത്കാവ്, അമല മെഡിക്കൽ കോളേജുകളിലെ  നെഫ്രോളജി ഡോക്ടർമാർ ശുപാർശ ചെയ്യുന്ന രോഗികളെ ഇവിടെ ഡയാലിസിസ് ചെയ്യുന്നുണ്ട്.അപേക്ഷ സമർപ്പിക്കുന്നവരിൽ നിന്ന് സാമ്പത്തിക നിലയും ആരോഗ്യ നിലയും നോക്കിയാണ് ഡയാലിസിസിന് രോഗികളെ സ്വീകരിക്കുന്നത്.വളരെ സങ്കീർണ്ണമായ  രോഗങ്ങൾ ഉള്ളവർക്ക്  ഇവിടെ ഡയാലിസിസ് അനുവദിക്കാറില്ല.മാനദണ്ഡങ്ങൾ പ്രകാരം അർഹരായവർക്ക് പൂർണമായും സൗജന്യമായാണ് ഡയാലിസിസ് ചെയ്യുന്നത്. 

ഭാവിപദ്ധതികൾ

2 മെഷീൻ കൂടി കൂടുതൽ ഉൾപ്പെടുത്തി കൂടുതൽ രോഗികൾക്ക് ചികിത്സ ലഭ്യമാക്കാനുള്ള ശ്രമങ്ങൾ നടക്കുകയാണ്. പുതിയ പ്രൊജക്ടിൽ ഇത് സംബന്ധിച്ച ആലോചനകൾ സമർപ്പിച്ചിട്ടുണ്ട്.അനുമതി ലഭിച്ചാൽ ഒരേ സമയം കൂടുതൽ ആളുകളെ ഉൾപെടുത്താൻ സാധിക്കും.എം പി രമ്യ ഹരിദാസിന്റെ ഫണ്ടിൽ നിന്നും 25 ലക്ഷം രൂപയും എം എൽ എ അനിൽ അക്കരയുടെ ഫണ്ടിൽ നിന്നും 37 ലക്ഷം രൂപയും ഡയാലിസിസ് സെന്ററിലേക്ക് ഉപകരണങ്ങൾ  വാങ്ങുന്നതിനായി ചിലവഴിച്ചു.

പുഴയ്ക്കൽ ബ്ലോക്ക് വിവിധ പദ്ധതികളിലായി 50 ലക്ഷം രൂപയും നൽകി. ഗ്രാമപഞ്ചായത്തുകളായ കോലഴി, തോളൂർ പഞ്ചായത്തുകൾ സംയുക്ത പദ്ധതിയായി 5 ലക്ഷം രൂപ വീതം പുതിയ മെഷിനുകൾ വാങ്ങുന്നതിനായി അനുവദിച്ചിട്ടുണ്ട്.

അംഗീകാരനിറവിൽ

മികവാർന്ന പ്രവർത്തനത്തിന്റെ പേരിൽ തോളൂർ സാമൂഹികരോഗ്യ കേന്ദ്രത്തിന്  ഐ എസ് ഒ അംഗീകാരം ലഭിച്ചിരുന്നു.

LEAVE A REPLY

Please enter your comment!
Please enter your name here

- Advertisment -

Most Popular

ഭിഷാടകരെ പുനരധിവസിപ്പിക്കാനൊരുങ്ങി പാലാ നഗരസഭ

പാലാ: ഒരു നീണ്ട ഇടവേളയ്ക്കു ശേഷം നഗരപ്രദേശത്ത് വീണ്ടും യാചകരെത്തിയതിനെ തുടർന്ന് നഗരസഭ ഇവർക്കായി പുനരധിവാസ ക്രമീകരണങ്ങൾ സജ്ജീകരിച്ചതായി ചെയർമാൻ ആന്റോ പടിഞ്ഞാറേക്കരയും ആരോഗ്യസ്ഥിരം സമിതി ചെയർമാൻ ബൈജു കൊല്ലം...

യുഎഇ യിൽ 2021 ലെ റമദാന്‍, ഈദ് അല്‍ ഫിത്തര്‍ അവധി ദിനങ്ങൾ പ്രഖ്യാപിച്ചു

റമദാന്‍ ചന്ദ്രക്കല 2021 ഏപ്രില്‍ 12 ന് യുഎഇ സമയം വൈകുന്നേരം 6.31 ന് ദൃശ്യമാകുമെന്ന് മന്ത്രാലയം അറിയിച്ചു. അതിനാല്‍, റമദാന്‍ ഏപ്രില്‍ 13 ചൊവ്വാഴ്ച ആരംഭിക്കുമെന്നാണ് പ്രതീക്ഷിക്കുന്നത്. തീയതികള്‍...

മൃൺമയി ജോഷി ഇനി പാലക്കാട് ജില്ലാ കളക്ടർ

പാലക്കാട് ജില്ലാ കളക്ടറായി. മൃണ്‍മയി ജോഷി ഐ.എ.എസ് ചുമതലയേറ്റു. നിലവിലെ ജില്ലാ കളക്ടര്‍ ശ്രീ.ഡി.ബാലമുരളി ഐ.എ.എസ് ലേബര്‍ കമ്മീഷണറായി നിയമിതനായ സാഹചര്യത്തില്‍ അദ്ദേഹം ചുമതലകള്‍ കൈമാറി.

പേരാമ്പ്ര ബൈപ്പാസ് യാഥാർഥ്യത്തിലേക്ക്

കോഴിക്കോട്: പേരാമ്പ്ര ബൈപാസ് റോഡ് ലാൻഡ് അക്വിസേഷൻ നടപടികൾ പൂർത്തിയായി. ദീർഘകാലമായി പേരാമ്പ്രയിലെ ജനങ്ങൾ കാത്തിരുന്ന പേരാമ്പ്ര ബൈപാസ് എന്ന സ്വപ്നം യാഥാർത്ഥ്യമാകുന്നു. റോഡിന് ആവശ്യമായി വരുന്ന 340.63 ആർ...

Recent Comments